சோப்பளாங்கி !!!!

                                                       சோப்பளாங்கி    !!!!

"சோப்பளாங்கி  " ....அப்பிடின்னா என்ன? அது வேற ஒண்ணும் இல்ல.  கொஞ்சம் கூட எதுக்குமே சாமர்த்தியம்  இல்லாதவங்களை "சோப்பளாங்கி   "ன் னு கிண்டலாக சொல்லுவாங்க. பொதுவா எல்லோராலையும் ஏமாற்றப்படுவனாக இருப்பவனைக்கூட  சோப்பளாங்கி  கூட சொல்லலாம்.

இந்த எல்லா குணங்களையும் ஒட்டுமொத்தமாக கொண்டவன் தான் இந்த கதையின் ஹீரோ. பார்க்கிறதுக்கு வேற கல்யாணராமன் கமல் மாதிரியும், கொஞ்சம் சப்பாணி சாயலும் இருக்கும். அவனோட அப்பாவி தனத்தை அவன் நண்பர்கள் நன்றாக பயன்படுத்திக்கொண்டு அவனை மேலும் மக்காக ஆக்கினார்கள். பின்ன என்னாங்க ..அவனை சோப்பளாங்கி  என்றே கூப்பிட ஆரம்பித்தார்கள். அவனும் வாயெல்லாம் பல்லாக பெரிய பட்டம் போல ஏற்றுக்கொள்வான். ஊரை பாருடான சேரியை பார்ப்பான். அந்த ஏரியா பசங்கள் எல்லோரும் தமாஷுக்காகவே சோப்பளாங்கியெ விளையாட்டுக்கு சேர்த்துகொள்வார்கள். இதுக்கு பல காரணம் உண்டு. அதுல ஒரு முக்கிய காரணம் நம்ம சோப்பளாங்கி கொஞ்சம் கைல  பசை உள்ள பார்ட்டி. என்னவோ அவன்கிட்ட கொடுத்துவச்ச மாதிரி,  டேய்,.. சோப்பளாங்கி ..   டிபன் வாங்கிகொடுடா என்பார்கள். அதற்கு அவனும் ரொம்ப சந்தோசமா எல்லோருக்கும் வாங்கி கொடுப்பான்.  ரெண்டாவது அவனை ஒப்புக்கு சப்பாணி ஸ்டேட்டஸ் கொடுத்து விளையாட்டில் சேர்த்துக்கொள்வார்கள். அதுல அவனுக்கு ரொம்ப பெருமை. இப்பிடித்தான், ஒரு சமயம் அவனை  கிரிக்கெட் விளையாட்டில் சேர்த்துக்கொண்டு, அவனை பெரிய fielder ஆக வருவேடா  நீன்னு சொல்லி, fielding எப்பிடி பண்ணனும்னு சொல்லி கொடுத்தார்கள். நாளைக்கு மாட்ச்க்கு field  செய்யன்னு வருமாறு சொன்னார்கள். நமப சோப்பளாங்கி க்கு அன்னைக்கு ராத்திரி தூக்கமே இல்லை . மனசுக்குள்ள பெரிய ஜடேஜா மாதிரி நினைப்பு வேற. இந்த பசங்க அவனை இந்த மாட்ச்க்கு கூப்பிட காரணம், எதிர் டீம் ஒரு டப்பா டீம். அதோடு இல்லாம அந்த கிரௌண்ட்க்கு பக்கதில் ஒரு நல்ல ஹோட்டல் மற்றும் டாஸ்மாக் வேற இருந்தது. நாளைக்கு நம்ப டீம் ஜெயிச்சுதுன்னா நீ தாண்டா  ட்ரீட் எல்லோருக்கும் கொடுக்கணும்னு சொல்லவே, சோப்பளாங்கிக்கு ரொம்ப குஷி ..அவனை நல்லா அரைக்கிறாங்க ன்னு தெரியவே இல்லை. purseல நெறய பணம் வைத்திருந்தான். அடுத்த நாள் மேட்ச் ஆரம்பித்தது . நம்ப சோப்பளாங்கிய  ball வராத இடத்தில long onல  நிக்க வச்சுட்டாங்க. கடைசிவரைக்கும் அவன் பக்கம் ஒரு ballஆவது வரணுமே ..ம்ஹூம் ..மேட்ச் முடிய போற சமயத்தில ஒரே ஒரு ball வர, எல்லோரும் சேர்ந்து, டேய்.. சோப்பளாங்கி ball field பண்ணுடான்னு... சொல்லவே, உடனே நம்ப ஆளு பெரிய fielder போல காலை மட்டி போட்டு உக்கார்ந்து பிடிக்கலாம்ன்னு try பண்ணும்போது, கொஞ்சமும் எதிர்பாராத விதமா பந்து அவன் ரெண்டு கால் இடையில் நழுவி பின்னாடி சென்றது. umpire உடனே four சிக்னல் காண்பிக்க, எதிர் கட்சி வின்னர் ஆகிட்டாங்க. வந்ததே ஒரே ball,  அதையும் நம்ப சோப்பளாங்கி  வெற்றிகரமா நழுவ விட, எல்லா  பசங்களும் அவனை சாடு சாடுன்னு சாடிட்டாங்க. உன்னால தான் மேட்ச் தோத்து போச்சுன்னு அவன் மேல  பழியை போட்டு, அதற்கு பரிகாரமாக சோப்பளாங்கி    தான் எல்லோருக்கும் டிபன், தண்ணி  வாங்கி தரணும் சொல்லவே இவனும் வேற வழி இல்லாம தன் purse காலி ஆக்க வேண்டியதாயிற்று.

சரி, கிரிக்கெட் தான் வரலை,  கொம்பாட்டம்   ஆடலாம் வாடான்னு கூப்பிடுவாங்க. அதுயென்ன ஆட்டம்னா, எல்லோரும் ஆளுக்கு கைல ஒரு கொம்பு வைத்துக்கொண்டு இருக்கணும் , சாட் ..பூட் ..த்ரீ ..போட்டு சோப்பளாங்கிய மீண்டும் இளிச்சவாயனாக்கி அவன் தான் ஆடணும்னு சொல்வாங்க. தோற்றவன் கொம்பை ரெண்டு கைகளில் வைத்துக்கொண்டு தலைக்கு மேல தூக்கி பிடித்து திரும்பி நிக்கணும். எவனாவது வந்து அவனுக்கு பின் பக்கமா வந்து கொம்பை சமர்த்தியமா தூக்கி அடிப்பார்கள். மற்றவர்கள் ஓடி போய் கைல இருக்கும் கொம்பை ஏதாவது கல்லில்  மேல் வைக்க வேண்டும். அப்பிடி வைத்தவர்களை  அவுட் அக முடியாது. உடனே சோப்பளாங்கி வேகமா போய் அந்த கொம்பு விழுந்த இடத்திற்கு ஓடி கொம்பை எடுக்க வேண்டும். இதக்கிடையில் மற்றவர்கள் சாமர்த்தியமாக அந்த கொம்பை தங்கள் கையில் வைத்திருக்கும் கொம்பால்  கண்ட மேனிக்கு தள்ளுவார்கள். அப்பிடி புத்திசாலித்தனமாக எடுக்க  போகும் சமயத்தில், பசங்க சோப்பளாங்கியயை பார்த்து , டேய் , மேல பாருடா ..ஏரோபிளான் போகுதுனு சொல்ல நம்ப ஆளு ஆச்சரியத்துடன் மேல பார்ப்பான். அவளவுதான் கீழ இருந்த கொம்பு 100 அடிக்கு தள்ளியிருப்பார்கள். மீண்டும் இளிச்சவாயன் பட்டம். இப்பிடியாக கில்லி , பம்பரம் , கோலி , டப்பா ஐஸ் byes, ஹாண்ட்  கிரிக்கெட்,  இன்னும் பல விளையாட்டுகள் விளையாடி நெறய மக்கு பட்டம் வாங்கி இருக்கிறான் சோப்பளாங்கி.

இதெல்லாம் ஒரு புறம் இருக்க, மற்றொரு ஆச்சிரியமான  விஷயம் என்னவென்றால், சோப்பளாங்கி படிப்பிலே படு  சுட்டி. ஆனால் அங்கேயும் அவன் புத்திசாலி தனம் எடு  படவில்லை. பரீட்சை வரும்போதெல்லாம், சக மாணவர்கள் அவன் பக்கத்தில உக்காருவதற்கு போட்டி போடுவானுங்க. என்ன அப்போதான் சோப்பளாங்கி பார்த்து காப்பி அடிக்கலாம். யாரும் பிட் கொண்டுவர மாட்டார்கள். அதிலேயும் அவனுக்கு ரொம்ப பெருமை. இப்பிடியாக நாளொரு மேனியா பொழுதொரு வண்ணமாக நம்ப கத நாயகன் வாழ்கை  ஓடியது. இதுவரை பார்த்த படம் கடந்த காலம்.

இப்போ நிகழ்  காலம் என்ன  சமாச்சாரம்னு பார்க்கலாமா. நம்ப சோப்பளாங்கி நன்றக படித்து, கம்ப்யூட்டர் இன்ஜினியரிங் யூனிவர்சிட்டி ரேங்க் ஹோல்டர் ஆனான். மற்றவர்கள் வெறும் கீழ் மட்டத்திலேயே இருந்தார்கள். ஸ்மார்ட்ஆக 27 வயது நிரம்பிய இளைஞன். அமெரிக்க கூகிள்  கம்பெனி அவனை ஒட்டுமொத்தமாக விலைக்கு வாங்கியது. மாச மாசம் வெளிநாட்டு பயணம். லட்சம் லட்சமா சம்பளம்.

 கதையின் கடைசி கட்டம். சோப்பளாங்கிக்கு கல்யாணம். அழாகான படிச்ச அனு என்கிற அனுராதா தான் லைப் பார்ட்னர். மாலை reception  சென்னையிலேயே பெரிய இடமான Abbotsbury கல்யாண மண்டபம். ஏக  கூட்டம். சோப்பளாங்கி அவன் சிறு வயசு நண்பர்களையெல்லாம் மறக்காமல் கூப்பிட்டான். அவர்களும் வந்து சோப்பளாங்கியின் பரிமாண வளர்ச்சியை கண்டு மலைத்து போனார்கள். எல்லோரையும் பேரை சொல்லி அன்போட வரவேறான் . டேய் , எல்லோரும் டின்னெர் சாப்பிட்டு வாங்க.. குத்து டான்ஸ் போடலாம் வாங்கனு சொன்னான். அதுக்கு முன்னாடி சரக்கு வேணும்னா சொல்லுங்க ஏற்பாடு பண்ணி இருக்கேன் சொல்லவே எல்லோரும் குஷி ஆகிட்டாங்க. என்ன இருந்தாலும் நம்ப சோப்பளாங்கி ரொம்ப அதிர்ஷ்டக்காரன்டா னு வாய்விட்டே புகழ்ந்தார்கள். இப்பிடி எல்லோரும் சோப்பளாங்கியின் கல்யாண அமர்களத்தில் திளைத்திருக்க, திடீர்னு reception ஹால்ல   ஒரே பரபரப்பு. எல்லோரையும் ஓரம் போக சொல்லி, செக்யூரிட்டி ஆட்கள் திபு திபு என்று வந்தார்கள். வாசலில் பெரிய வெளிநாட்டு கார் வந்தது. அதிலிருந்து வந்து இறங்கிய விருந்தாளி வேற யாருன்னு சொன்ன அப்பிடியே மலைச்சு போயிடுவீங்க. ஆமாம், அது வேற யாரும் இல்ல. கூகிள் கம்பெனி CEO Mr . சுந்தர் பிச்சை தான். நம்ப சோப்பளாங்கி கூகிள்  இந்தியாவின் ஒரு பெரிய பொறுப்புள்ள உயர் அதிகாரி.. Mr சுந்தர் பிச்சை  நேர மேடைக்கு வந்து சோப்பளாங்கியை கட்டி பிடித்து கை  குலுக்கி Congratulations Mr ராஜு என்றார். அட, ஆமாங்க..!!! நம்ப  ராஜுவேதான் ..!!!  ராஜு,  தன் நண்பர்களை சுந்தர் பிச்சைக்கு  அறிமுக படுத்தினான். கூடவே மறக்காமல், இந்த நண்பரகள் தான் அவனுடைய இந்த வாழ்க்கையின் முன்னேற்றத்துக்கு காரணம் என்று  சொல்லி அன்று அவனை  சோப்பளாங்கின்னு கூப்பிடலைனா தனக்கு  வாழவேண்டும் என்ற வெறி வந்திருக்காது என்று ரொம்ப அடக்கமாக நண்பர்களை அணைத்து கொண்டே கூறினான். Mr சுந்தர் பிச்சை  ரொம்ப சந்தோசம் அடைந்து ராஜுவின் நண்பர்களுடன் ஒரு குரூப் போட்டோவும் விடியோவும் எடுத்துக்கொண்டு மீண்டும் செக்யூரிட்டி சகிதம் வெளிஏறினார் .

                                                           
- எண்ணம் , எழுத்து,  ...ரவி சங்கர்

ONLINE அபேஸ்!!

ONLINE அபேஸ்!!

இந்த கதை எழுதும்போது நம்ப கதாநாயகன் ராஜு  வேலையில் இருந்து ஓய்வு பெற்ற மாஜி கம்ப்யூட்டர் அனலிஸ்ட். வயசு 63. வழுக்கை விழுந்த மொட்டை தலையின் பின் புறம் பிறை சந்திரன் மாதிரி அமர்க்களமான வெள்ளை முடி . வீட்டில் சும்மா எப்படி பொழுதைக்  கழிக்க முடியுமா? வெட்டி ஆஃபீஸ்ர்னு வீட்ல பட்டம் கட்டுவாங்க. இருக்கவே  இருக்கு கைவசம் தொழில்.!! நண்பன் இன்டர்நெட்டில் நிறைய சம்பாதிக்கலாம் என்று உசுப்பேத்த காணாததை கண்ட மாதிரி அந்த வலையில் டமார்!! ஒன்றுமில்லை ராஜு விழுந்த சத்தம்!!. 

அவ்வளவுதான் அன்றையலிருந்து ராஜுவும் , லேப்டாப்பும் புது கணவன் மனைவி போல் பிரிக்க முடியாமல் ஆகி விட்டார்கள்.. லேப்டாப் மடி மீது வைத்துகொண்டு என்னவோ office வேலை மும்மரமாக  செய்கிற மாதரி முகத்தை வைத்து கொள்வான். அவன் பாஸ் மனைவிக்கு கம்ப்யூட்டர்ஐ  பற்றி பே பே தான் !! ஒன்று தெரியாதது, ராஜுவுக்கு ரொம்பவும் வசதி ஆகிவிட்டது. பாஸ், ராஜூவை பார்க்கும் போதெல்லாம் சே! நம்ப ஆளுக்குதான் எவ்வளவு பொறுப்பு என்று பெருமைப்ட,. வேளா வேளைக்கு கல்யாண பரிசு தங்கவேலு styleஇல்  காபி டிபன் எல்லாம் சரியான நேரத்திற்கு வரும்   நூற்றுக்கு 90% home பிசினஸ் எல்லாமே பணம் முழுங்கும் கவர்ச்சி கன்னிகள் தான் என்பது புரியாமல் கொஞ்சம் கொஞ்சமாக அந்த புதைக்குழியில் ராஜு இழுக்கப்பட்டான். ஆன்லைன்இல் அவர்களுடைய business ஐ பற்றி விலாவாரியாக ரொம்பவும் பிரமாதமாக விளக்கி இருப்பார்கள். சில fake  நபர்களின் போட்டோகளும், அவர்களின் வாக்குமூலம் இதில் இடம் பெற்றிருக்கும். அதை படித்து உடனே அந்த  வேலையில்  இறங்கினால் அப்புறம், கைல இருக்கும் காசு  "அடடா... வடை போச்சே!" கதை தான். 

ம். இப்படிதான் ராஜுக்கும்  ரொம்ப ஆசை பெருகியது. ஒரு ஆயிரம் கட்டினால் பத்தாயிரம் பண்ணலாம் சைட்இல் போயி free registration தானே என்று நினத்து எல்லா விவரங்களையும் தந்த பிறகு,  ரொம்ப குஷியாக இருந்தான். ஆனால்  வந்ததே ஒரு bouncer .. என்னவென்றால், மேலும் பணம் செலுத்தி upgrade செய்தால் தான் அடுத்தக் கட்டத்திற்கு போகமுடியும் என்று ஒரு மொட்டை தலை எமோஜி சிரித்த முகத்துடன் கூறியது . இப்போ தான் மீனு தூண்டில்ல மாட்டுற நேரம். சரி, இந்த ஒரு  முறை மட்டும் செலுத்தலாம் என நினத்து ரகசியமாக (பாஸ்க்கு தெரியாமல்) credit card விவரங்களை செலுத்தினான் . அவ்வளவுதான் , என்ன ஆச்சர்யம் ! ஒரு சூப்பரான website உடனே வந்தது. ரொம்ப பெருமையாக  மனைவியிடம் காண்பித்தான். ஏன் என்றால் ஒரே மாதத்தில் லட்சாதிபதி ஆக முடியும் என்பதை விளக்கி (விளங்காத) ஒரு அட்டவணை!! ஆனால் , wife பார்த்த பார்வை இதெல்லாம் புரிந்தால் நாம எங்கேயோ போயிருப்போமே என்கிற மாதிரி மனதை உறுத்தியது. இருந்தாலும் ஆண் வர்கமாயிற்றே !! அவளை  அடக்கினான் . ஆனது ஆகட்டும் என்று வேலையை ஆரம்பித்தான் . அடுத்த ஸ்டெப், இன்னும் 10 ஆட்களை இதில் சேர்க்கச் சொல்லி ஒரு நிபந்தனை! தூண்டில்ல இப்போ மீன் நல்லா  மாட்டிச்சி டோய் !! ஒருத்தர் இரண்டு இளிச்சவாயனுங்க  வேண்டுமானால் கிடைப்பார்கள். இவ்வளவிற்கு ராஜு எங்கே போக? ஏற்கனவே அவங்க எல்லாம் நொந்து நூடுல்ஸ் ஆனவங்கதான். இது என்னடா மதுரைக்கு வந்த சோதனை என நினைத்தான். 

கொஞ்சம் பொறுமையா இருங்க, ராஜுவின் சொந்த கதை. சோக கதை கண்டிப்பாக விரைவில் தொடரும்...
- எண்ணம் , எழுத்து,  ...ரவி சங்கர்



*************************************************************************
ONLINE அபேஸ்!! தொடர்கிறது 

சரி நமக்கு இந்த பிசினஸ் லாயக்கு இல்லை, சீ சீ இந்த பழம் புளிக்கும் என்று வேறு siteக்கு போனால்  மீண்டும் இதே கவர்ச்சி கன்னிகள் கதை தான். தப்பி தவறிக் கூட பணம் கையில் கிடைத்து விடக் கூடாது என்பதிலே எல்லா site ம் குறியாக இருப்பது புரிந்தது. இது புரியாமல் ராஜுவின் மனைவியோ யார் அவனை  பற்றி கேட்டாலும் பெருமையாக இன்டர்நெட் பிசினஸ்இல் ரொம்ப பிஸியாக இருக்கிறார் என்று சொல்வாள். ராஜுவிற்கு தான் தெரியும் தான்  என்ன கிழிக்கிறான் என்று,,, ரொம்ப வெறுப்பாகிவிட்டது !!. 

  ஆனா சில பேரை கேட்டா, ஏதோ பெரிய பிசினஸ் பண்ற மாதிரி சொல்லுவாங்க. அது சும்மா உடான்ஸ் !! எப்பிடியோ, ஆனால் ராஜுவின் அதிர்ஷ்டம் எப்படின்னா, அவன் ரொம்ப யோசிச்சு, மீனம் மேஷம் பார்த்து  நெய் பிசினஸ் பண்ணலாமுன்னு போன அப்போ தான் பிரமாதமா வெயில் அடிக்கும். சே.. என்னடா இது... சரி..., இது வேலைக்கு ஆவது போலன்னு மாத்தி யோசிச்சு, மாவு விக்கலாமுன்னு போன அப்போ தான் பயங்கரமா புயல் காத்து அடிக்கும். அதனால சும்மா விவரம் கெட்ட தனமா இன்டர்நெட்டில் பிசினஸ் செய்கிறேன் என்று ஜம்பம் செய்யாமல் உருப்படியான மற்ற விஷயங்களில் கவனம் செலுத்தலாம்  என்ற புத்தி வந்தது. "எனக்கு வந்த இந்த மயக்கம் உனக்கும் வரவேண்டும் ...' என்ற L. R. ஈஸ்வரி அவர்களின் பாடலை சற்று மாற்றி '' எனக்கு வந்த இந்த மயக்கம் யாருக்கும் வரவேண்டாம் "  என ராஜு அவன் friends களுக்கு அட்வைஸ்  பண்ண ஆரம்பித்தான்.!!!.

சரி, இந்த ஆன்லைன்  பிசினஸ் தான்  இந்த மாதிரின்னா, ஆன்லைன் ஷாப்பிங் இருக்கு பாருங்க அது இத விட ரொம்ப கொடுமை. வெறும் கானல் நீர் கதை தான்; இந்த மாய வலையில் ராஜுவும் ஒரு மூலையில் விழுந்து முழுக்க முழுக்க சோம்பேரி ஆகி ஆன்லைன் ஷாப்பிங்க்கு அடிமை ஆகிவிட்டான். குடும்பத்தோடு இல்லேன்னா  கூட இல்லேன்னா  சில சமயம் தனியாகவோ ஷாப்பிங் செய்வது ரொம்ப முக்கியம். உடல் மனம் எல்லாத்துக்குமே  ஷாப்பிங் ஒரு நல்ல exercise மாதிரி. ஆன்லைன்ல போடுற products எல்லாம் சரியாக அமைந்துவிடாது. pictures  அப்புறம் product description ஆளயே மயக்கும். ராஜு  மாதிரியான சோம்பேறிகளுக்காகவே இந்த வகை வகையான ஆன்லைன்ல products போடுறாங்க. சும்மா, bean bagல அமுங்கிய படியே மொபைல் மூலமா வேண்டிய ஆணி முதல் ஆனை வரை ஐடெம்ஸ் வாங்கும் படியான வசதி. இதுல பாதி  மோசடி வலை தான். payment டீடெயில்ஸ் கொடுத்த உடன் வெப்சைட் காணாமல் போய்  விடும் அல்லது error 404 காண்பிக்கும். உடனே டென்ஷன்ல customer சர்வீஸ்க்கு போன்  போட்டால் இந்த நம்பர் உபயோகத்தில் இல்லை அப்படினு திரும்ப திரும்ப ஒரே ஒப்பாரி. இதற்கிடையில் உங்க கிரெடிட் கார்டு சார்ஜ் ஆகி விடும். சரியான கூத்து. இதயெல்லாம் மீறி ஐடெம்ஸ் டெலிவரி ஆகிறதுக்குள்ள நம்ப BP உச்சாணி கொம்பு நுனியில் போய்  நிக்கும். சரி, ஒரு வழியாக நாம்ப ஆசை பட்ட ஐட்டம்ஸ் வீடு தேடி வர ரொம்ப சந்தோஷமாக இருக்கும். ஆனால் அந்த சந்தோசம்  ரொம்ப நேரம் நிக்காது. மந்திரவாதி உயிர் இருக்கும் இடம் கண்டு பிடிக்க ஒவ்வொரு கட்டத்தை கடக்கற மாதிரி, பேக்கிங் ஒண்ணு  ஒண்ணா strip tease செய்து எடுத்தவுடன் அந்த ஆசை பட்ட ஐட்டம் கண்ணில் பார்த்தவுடன் ஒரு வித ஷாக்கிங். ஏன்னாக்க ஆர்டர் செய்த ஐட்டம் வேற, வந்த ஐட்டம் வேற !!. டெலிவரி ஸ்லிப் ல பார்த்தா  கரெக்ட் ஆக தான் இருக்கு. ஆகா, வெச்சாங்கடா ஆப்பு !! இப்போ உடனே ரியாக்ஷன் customer கால். மீணடும் காண்டாக்ட் நம்பர் ...அதே ஒப்பாரி ...கொடுமையான situation. அதே சமயம், சிறந்த தரமான ஆன்லைன் ஷாப்பிங் வெப்சைட்களும் உண்டு. நிறைய பெரு வாங்குறாங்க. மேற்கொண்டு இந்த ஆன்லைன் ஷாப்பிங் அனுபவங்களை விவரிக்க வேண்டுமானால் கன்னி தீவு கதை மாதிரி தொடர் கதை தான் எழுத வேண்டும். அதனால உங்களை இப்போதைக்கு விடுவிக்கிறேன். 

- எண்ணம் , எழுத்து,  ...ரவி சங்கர்
*********************************************************************************












,

Muscat with Love

                                                               Muscat withLove

அட , இது என்ன கதை title..ஜெம்ஸ் பாண்ட்  ஆங்கில திரில்லர் படம் மாதிரி இருக்கே..! அப்பிடின்னு நினைக்கிறீங்களா..கிட்ட தட்ட அப்பிடித்தான்னு வச்சுக்கோங்க...வெளி நாட்ல நடந்த த்ரில்லிங் அனுபவம் தான்  கொஞ்சம் மசாலா எல்லாம் சேர்த்து ஹாஸ்ய நடையுடன்  எழுதி  இருக்கேன்.....

ரெடியா ..கதை க்குள்ள போகலாமா ... நம்ப கதாநாயகன் வேற யாரும் இல்ல. 45 வயதான ராஜுவே தான் .  இப்போ ஓபெனிங் சீன். சீட் பெல்ட் போட்டுக்கொள்ளவும். விமானத்தில் ராஜு வெளிநாட்டிற்கு  வேலை நிமித்தம் காரணமாக  ஓமன் நாட்டு தலைநகரான மஸ்க்கட்   நோக்கி போய்க்கொண்டு இருக்கிறான் . விமானம் இறங்க இன்னும் ஒரு மணி நேரம் இருந்தது. ராஜுவின் மனம் ஒரு 20 வருடங்களுக்கு பின் நோக்கி சென்றது. மலரும் நினைவுகள்.
 இப்பொழுது colorful பிளாஷ் பாக் சீன். ஆமாம்,   20 வருடத்திற்குமுன் ராஜுவின் முதல் வெளிநாட்டு வேலை  மஸ்க்கட்  தான். மறக்க முடியாத நாட்கள். மனதிற்கு மிகவும் பிடித்தமான நாடு  . கை  நெறய வெளிநாட்டு காசு , .bachelor வேற. நல்ல நண்பர்கள் சகவாசம். எல்லோரும் சொந்த கார் வைத்து கொண்டிருந்தார்கள். அருமையான, வெளி நாட்டு விதம் விதமான கார்கள். ராஜூவிற்கு கார் மோகம் ஜாஸ்தி. கார் விலை அதிகம் இல்லை. ஆனால்  driving license வாங்குவது குதிரை கொம்பு சமாச்சாரம். எவ்வளவுதான் experienced டிரைவர்ஆக இருந்தால் கூட மஸ்க்கட்டி ல்  எந்த பருப்பும் வேகாது. அதனால் எவனாவது கார் வைத்துக்கொண்டிருந்தால் அவன் ஸ்டேட்டஸ் வேற!!!
எல்லோரையும் போல் ராஜூவுக்கும் எப்பிடியாவது ஓமான்  driving license வாங்கவேண்டும் என்ற ஆசை. அதற்காக தினமும் driving கிளாஸ் போவது வழக்கம். நம்ப ஊரு மாதிரி ஏதோ ஆயிரம் கொடுத்தோமா,  சும்மா learners license வாங்கினோமா , driving கிளாஸ் போனோமா அப்புறமா டெஸ்ட் போவதற்குள் சம்பந்த பட்டவர்களுக்கு முழு காசு வெட்டனோமா , license டெஸ்ட் சும்மா அட்டென்ட் பண்ணினினோமா உடனே license வீட்டை தேடி வந்ததுன்னு இல்லாம ..இங்கெல்லாம் ஆயிரம் நொர நாட்டியம் பார்ப்பாங்க.. லேசுல license கிடைக்காது. கதையின் உட்காருவே இந்த driving  license சமாச்சாரம் தான். இவனுக்கு  driving சொல்லி கொடுத்த மாஸ்டர், ராஜுவின்   வயதே உள்ள ஒரு ஓமானி( ஓமான் நாட்டு மக்களை ஓமானி என்று சொல்லுவார்கள்). அவன் காலை தூக்கி dash போர்டு மேல வைத்து கொண்டு உரக்க அரபி பாட்டு கேட்டுக்கொண்டே முரட்டு  தனமா சொல்லிக்கொடுப்பான். அவனுக கிட்ட ஒண்ணும் பேச முடியாது. திடீர்னு பெட்ரோல் பெட்ரோல்ன்னு அலறுவான். ராஜுவும் ஒண்ணும் புரியாம ஓமானியை  பாக்க  அவன் அரை குறை ஹிந்தியில் ஜல்தி ஜல்தி னு சொன்னான். ஒ, ஸ்பீடா போக சொல்றன் போல அப்பிடினுட்டு acceleratorஐ  ஒரு அழுத்து அழுத்தினான் ராஜு. வண்டி குபீரென்று 80 Kmph பாய்ந்தது. அவ்வளவுதான்  அடுத்த நிமிஷம் ராஜுவின்  தொடைல ஓங்கி ஒரு அடி விட்டான். கார் ஸ்டாப் கரோ அப்படினு சொன்னான். என்னடா படு பாவி இப்படி அடிக்கிறானு நினைக்கும் போது காரை  விட்டு இறங்கு அப்பிடினான். என்னடா சமாச்சாரம்ன்னு கேட்டா, பக்கத்திலுள்ள speed  லிமிட் போர்டு காண்பித்து என்ன ஸ்பீட்ல வண்டி ஓட்டற, ஸ்பீட் லிமிட் கவனிக்கணும், நான் சொன்னா நீ ஸ்பீட்   போய்டுவியா. ரோடு தேக்கோ, ஸ்பீட் தேக்கோ அப்பிடின்னு ஒரு குட்டி பிரசங்கம் செய்து ராஜூவை வெளியே தள்ளி  அப்பிடியே அம்போன்னு அந்த நெருப்பு வெயில்ல நடு ரோட்ல விட்டுட்டு வேகமா போய்ட்டான். இது  என்னடா ஆரம்பமே சரியாய் இல்லையே அப்பிடின்னு கவலையோடு வேற டாக்ஸி பிடிச்சு ஒரு மாதிரி வீடு வந்து சேர்ந்தான் . இனி அடுத்த கிளாஸ் ரெண்டு நாள் கழிச்சுத்தான். இந்த driving கிளாஸ் சம்பந்தமாக யாரை கேட்டாலும் இப்பிடித்தான் இருக்கும் அப்படினு வேற சொன்னாங்க, இதுக்கெல்லாம் பயந்தா ராஜுவின் கார்  சொந்தமா வாங்கி ஓட்டும் ஆசை  நிராசையாகிவிடும். அதனால் ரொம்பவும் பொறுமையாக இருந்தான் . இரண்டாம் நாள் வந்தது. ஓமானி பையன் ரொம்ப குஷியா இருந்தான். ஹிந்தியில் பைட்டோ அப்பிடின்னு சொல்லி டிரைவர் சீட்டிலிருந்து இறங்கி ராஜூவை உட்கார சொல்லி ஜாவோ என்றான். ராஜுவும் மெதுவாக ஒட்டி சென்றான், ஒரு ரெண்டு கிலோ மீட்டர் போன பிறகு  மீண்டும்  ஜல்தி ஜாவோ அப்பிடினான். ராஜு முந்தாநாள்  அடி வாங்கியிருந்த அடி இன்னும் வலித்தது. ரொம்ப புத்திசாலித்தனமாக மெதுவாகவே வண்டியை ஓட்டினான். மீண்டும் ஒரு பளார்..ராஜுக்கு ரொம்ப கடுப்புஆக, ஏன் அடிக்கிறேன்னு கேட்டான், அதுக்கு  அந்த மாஸ்டர், ஏன் மெதுவா போற, இது highway தானே, ஸ்பீடு  லிமிட் எவ்வளவு போட்ருக்காங்க தேகோ. பார்த்தா  120 km போட்ருக்காங்க, இங்கெல்லாம் ஸ்பீடு போகணும். இல்லேன்னா பிச்சே காடி marega அப்பிடினான் அதாவது மெதுவாக போனால் பின்னால் வண்டி இடிச்சுடுவாங்க . இது என்னடா தஞ்சாவூர் மாடு மாதிரி இருக்கான், முன்னால்  போன முட்டறான், பின்னால்  போனல்  இடிக்கிறானே,,ராஜுவுக்கு வாழ்க்கையே வெறுத்துவிட்டது. சரின்னுட் டு கொஞ்சம் வேகமாக போக, அந்த ஓமானி ராஜுவின் பாக்கெட்ல இருக்கிற சிகெரெட்டு பாக்கெட் பார்த்து தனக்கு வேண்டுமாறு கேட்டு கொண்டான். சரி, இதுல ஏதோ சூட்சமம் இருக்கு, அதனால தான் உஷாரா இருக்கனும் அப்பிடின்னு நினைச்சு அப்புறமா தரேன்னு சொல்லி முடிகிறதுக்குள்ள ராஜுவின் பாக்கெட்ல கைய விட்டு சிக்ரெட்ட எடுத்துகிட்டு, ஸ்டைலா பத்த வெச்சிகிட்டான். அதோட இல்லாம, ராஜூவையும்  சும்மா பிடி, பரவா இல்லைனு சொன்னான். ராஜுக்கு இது எங்கேய கொண்டு போய் முடியும் தெரியலடா சாமி அப்பிடின்னு அந்த ஓமானிய விடவும் முடியாம கொள்ளவும் முடியாம தவித்தான். அங்கெல்லாம் driving சொல்லி கொடுக்கிற கார்ல ரெண்டு brake ,ரெண்டு கிளட்ச் எல்லாம் உண்டு டிரைவர் சீட்டுக்கு பக்கத்து சீட்ல. கண் இமைக்கும் நேரத்தில அந்த மாஸ்டர், ராஜூகிட்டேருந்து ஸ்டேரிங் கண்ட்ரோல் தான் எட்டுத்துகிட்டு, தான் ஓட்டுவதாகவும் ராஜு சிகரெட்டு பிடிக்கலாம்னு சொன்னான். ராஜுவிற்கு கொஞ்சம் சபலம், நாக்கு சிகரெட்டு கேட்டுது. சரி அவன்தான் வண்டி ஓட்டுறானே சொல்லி தானும் பற்ற வெச்சான், குஷியா ஒரு இழு இழுத்திருப்பான். அவ்வளவுதான் வேதாளம் மீண்டும் முருங்கை மரத்தில் ஏறியது..மீண்டும் சுரீர்னு தொடையில் ஒரு அடி . வண்டி பூரா மாஸ்டர்  கன்ட்ரோல்ல இருந்ததால ஒடனே வண்டியை  ஓரம் கட்டி ராஜு வெளியே தள்ளப்பட்டான். இப்போ என்ன காரணம்னு கேட்டா டிரைவ்விங் செய்யும் போது சிகரெட் பிடிக்கக்கூடாதாம் . அப்போவே புரிஞ்சுது, ஏன் driving license கிடைக்க மாட்டேங்குதுனு.  so , ரெண்டாம் நாளும் வெற்றிகரமான வாபஸ். இன்னும்  நான்கு  நாள் தா இருந்தது டெஸ்ட்க்கு போக. அதனால் நாளைக்கும் கிளாஸ்க்கு வருவதாக அவனே சொல்ல, ராஜுவுக்கு கொஞ்சம் மூச்சு வந்தது. 
அன்றைக்குனு பார்த்து அந்த ஓமானி மாஸ்டர் வேற வண்டி கொண்டு வந்திருந்தான். இதைப்பார்த்த ராஜு, அய்யோயோ, சைத்தான் வேற வண்டில வருதே,  இந்த வண்டி தனக்கு  பழக்கம் இல்லையேன்னு மனசுக்குள் ஓரே  புலம்பல். சைத்தான், இன்னைக்கு பிரிட்ஜ் ஏறி அப்பிடியே பின் புறமாக வரவேணும், அப்புறம் பார்க்கிங் ட்ரைனிங்ன்னு சொல்ல ராஜுவின் வயிற்றில் ஒரு கிலோ புளி கரைத்தது. இதெல்லாம் இந்த கோமாளியை  வெச்சுகிட்டு எப்பிடி கத்துகிறது, எப்போ டெஸ்ட் பாஸ் பண்ணி எப்போ license  வாங்குறது...தன்சொந்த கார் வாங்கும் கனவு அந்த பாலைவனத்தில் மெழுகாக உருகியது,...விடிஞ்சா போல தான்...  ராஜு முடிவே கட்டினான். இருந்தாலும் எனக்காச்சு... உனக்காச்சு... அப்பிடின்னு வைராகியதோட இருந்தான். இந்த டெஸ்ட் இல்லைனாலும் அடுத்த டெஸ்ட்குள்ள நல்ல வேற மாஸ்டர் கிட்ட ஒழுங்கா கத்துக்கிக்கிடலாம்ன்னு பிளான் போட்டான். மற்ற ரெண்டு கிளாஸ்சும் சரியாக செய்யவே இல்ல. ராஜுவுக்கு நம்பிக்கையே இல்ல. அன்று கிளாஸ் முடியும் போது அந்த ஓமானி கோமாளி, ராஜு  கிட்ட வந்து ஷராப் license இருக்கானு கேட்டான், ராஜுவும்  ஏதோ confusion ல இருக்குனு சொல்லிட்டான் . இஸ்லாமிய நாடுகளில் முஸ்லிம்கள் அவர்கள் மத ரூல்ஸ் படி மது அருந்துதல் கூடாது. மீறினால் விபரீதமாக தண்டிக்க படுவார்கள். ராஜுவிற்கு  அப்புறம் தான்  சுரீர் என்று உரைத்தது. இது எங்க கொண்டு போய் விடுமோ என்று.

Driving டெஸ்ட் நாள் வந்தது. காலையிலேயே சீக்கிரம்  டெஸ்ட் கொடுக்கும் இடத்திற்கு வந்தாகி விட்டது. நம்ப ஆளை காணவே இல்ல. mike ல இன்னைக்கு யார் யாரெல்லாம் டெஸ்ட் எடுக்கிறாங்களோ அவங்க பேரை தப்பு தப்பாக, படிக்க தெரியாம கூப்பிட்டாங்க. ரொம்பவும்  சிரிப்பாகவும் அதே சமயம் நம்ப பேரை சரியாக கூப்பிடவேண்டுமே என்ற கவலை வேற. ராஜுவின் நிஜ  பெரு ராஜ சர்வேஸ்வரன். மைக்ல  ராஜா சனீஸ்வரன்னு கூப்பிட ஒரு மாதிரி சிரிப்பை அடக்கி கொண்டு காரில் அமர்ந்தான் .  அந்த  பக்கத்தில ஒரு  தடியான ஆபிசர் உட்கார்ந்து கை கொடுத்து ஒட்டு என்றான். ராஜுவின் கை  கால்  எல்லாம் நடுங்க கார் ஸ்டார்ட் செய்தான். ஊஹூம் ...கார் ஸ்டார்ட் ஆனாதானே ...ராஜுவிற்கு வேர்க்க ஆரம்பித்துவிட்டது. ஒரு மாதிரி ஸ்டார்ட் செய்து ரெண்டு பக்கமும் ஸ்பீட் போர்டு இருக்கானு கவனித்து கொண்டே போகும் போது அந்த பாழா போன பிரிட்ஜ் ஏறும் கட்டம் வந்தது. காரில்  கூட டெஸ்ட்க்கு வந்தவர்கள் முகத்தில ஈ ஆடலை. கூட வந்த ஆபீசர் எதையுமே பார்க்காம தன் கைல கொண்டுவந்த பேப்பர்களை பார்த்துக்கொண்டிருந்தான். ஒரு நிமிஷம் நிமிர்ந்து பார்த்து விட்டு பிரிட்ஜ் மேல ஏறு என்றான்.  ராஜுவும்  மூச்சை பிடித்துக்கொண்டு பிரிட்ஜ் மேல மெதுவாக போனான். பாதி  மேல ஏறும் போது 'தால் னு' அரபில கத்தினான். 'தால் னா' ஸ்டாப்னு அர்த்தம். அவ்வளவுதான் ..ராஜுவுக்கு சப்த நாடியும் அடங்கியது. ஏனென்றால் இந்த  வித்தை அந்த ஓமானி சொல்லித்தரவே இல்ல. உடனே ராஜு பிரேக்யை ஒரே அமுக்காக அமுக்க  வண்டி ஒரு பொருமலுடன் நின்றது. வண்டிக்குள் ஒரு மரண அமைதி. ஒரு நிமிடம் கழித்து மீண்டும் அந்த ஆஃபீசர் பீச்சே  ஜாவோ என்று அலறினான். இங்கே தான் இருக்கு சூட்சமம். reverse கியர் போடும் போது கிளட்ச் பிடிச்சி, reverse கியர் போட்டு பிரேக் மெல்ல விடணும். ராஜு பிரேக்கிலிருந்து  காலை எடுக்க, வண்டி தட தட என்று பின்னாடி போக ஆரம்பித்தது. ராஜு இன்னைக்கு டெஸ்ட் அம்பேல் தான் என்று முடிவே பண்ணிட்டான். எப்பிடியோ reverse கியர் போட்டு, வேர்க்க விறுவிறுக்க வண்டி யை மெல்ல நிறுத்தினான். ஆஃபீசர் ராஜூவை வெயிட் பண்ண சொல்லி மற்றவர்களை டெஸ்ட் செய்ய போய்ட்டான். ராஜு அந்த  ஓமானி பயலை மனசார திட்டி தீர்த்து விட்டான். கிட்ட திட்ட ஒரு மணி கழித்து எங்கிருந்தோ அந்த ஓமானி மாஸ்டர் ஓடி வந்து ராஜூவை கட்டி கொண்டு கை  குலுக்கி, டெஸ்ட்டில் பாஸ் செய்துவிட்டதாக சந்தோசமா சொன்னான். ராஜுவுக்கு   ஒண்ணுமே புரியல. எப்பிடி இந்த அதிசியம். ரொம்ப அதிர்ஷ்டம் தான் போல என்ன சந்தோச பட்டான்.
 ராஜு தன் நண்பர்களுடன் உற்சாகமாக தனக்கு license கிடைத்த செய்தியை  சொல்லி இரவு பார்ட்டிக்கு வருமாறு அழைத்தான். அந்த சமயத்தில் தன் வீட்டு காலிங் பெல் அலற ராஜு அவசரம் அவசரமாக கதவை திறந்தான். பொதுவாக யாரும் முன் அறிவிப்பின்றி வீட்டுக்கு வரமாட்டார்கள். கொஞ்சமும்  எதிர் பார்க்காத ஒரு நபர். வேற யாரும் இல்ல. அந்த ஓமானி மாஸ்டர் வாயெல்லாம் பல்லாக நின்றுகொண்டிருந்தான். ராஜுவிற்கு ஒண்ணும்  புரியவில்லை. என்ன சமாச்சாரம்னு ஹிந்தில ராஜு கேட்டான். அவன் மேல இன்னும் அசடு வழிய சிரித்துக்கொண்டு sharaab மிலெங்கே??!! (தண்ணி கிடைக்குமா?!!) அப்பிடின்னு ஒரு குண்டை தூக்கி போட்டான். இதென்னடா காலை சுத்தின்ன பாம்பு கடிக்காம விடாது போல இருக்கே அப்பிடின்னு நினைச்சான். கூடவே, தான் அந்த ஆஃபீசர் கிட்ட சொல்லி ராஜூவை டெஸ்ட்ல பாஸ் பண்ண வைத்ததாகவும்  சொன்னான். அதுக்கு அந்த ஆஃபீசருக்கு ஏதாவது கொடுக்கணும் சொல்லி, ஒரு நாலு பாட்டில் பிளாக்  லேபிள் வேணும்னு கேட்டான்...!! இப்போ தான் ராஜுவிற்கு தான் எப்பிடி செலவு இல்லாம டெஸ்ட்ல பாஸ் பண்ணிணோம்னு  விவரம் புரிஞ்சுது. அதனால் என்ன. ஓமான் driving  license, நாலு பாட்டில்ல கிடைக்கும்னு ராஜு கொஞ்சம் கூட எதிர்பார்க்கல. நாய் வித்த காசு கொறைக்கவா போகுது. தண்ணில வாங்கின license ஆடவா போகுதுனு  ராஜுவுக்கு ஒரே சந்தோசம். ஓமானி மாஸ்டர் க்கு  சந்தோசமா தண்ணி வாங்கி கொடுத்து தான். அடுத்த நாளில்  இருந்து அந்த ஓமானி டிரைவர், வீட்டுக்கு வந்து ராஜுவிற்கு ஒழுங்காக driving கற்று கொடுத்தான். சும்மா இல்ல..சரக்கு தான் பீஸ்.....!!!!

இப்பொழுது plane இறங்க  வேண்டிய டைம். ராஜு ஆவலுடன் இப்பொழுது  மஸ்க்கட்  எப்பிடி இருக்கு என்பதை விண்டோ வழியாக பார்த்து பூரித்து போனான். மஸ்க்கட்  சொர்கபுரியாக ஜொலித்துக்கொண்டிருந்தது.விமானம் கீழே இறங்க இறங்க, ராஜுவின் மனமும் சந்தோஷத்தில் இறங்கியது.   மஸ்க்கட் International Airport , ராஜூவை அன்புடன் வரவேற்றது.

- எண்ணம் , எழுத்து,  ...ரவி சங்கர்
******************************************************************

FROM WEST (MAMBALAM ) COAST TO (அமெரிக்கா) EAST COASTவரை !!!!!

FROM WEST  (MAMBALAM ) COAST  TO   (அமெரிக்கா)  EAST COAST  வரை !!!!!

ஆச்சு , ஜூலை  ஆகஸ்ட் மாதம் வந்தா  போதும்.....வெஸ்ட் மாம்பலம் , டீ, நகர், அசோக் நகர்  மற்றும் நங்கநல்லூர்  ஏரியா அல்லோலகல்லோல படும் !! அமெரிக்கா  மற்றும் ஐரோப்ப்பகுதிகளில் ஸ்கூல் vacation டைம். வெளிநாட்டு போக்குவரத்துக் கொஞ்சம் ஒவராகவே இருக்கும். மக்கள் vacationக்கு வருவாங்க, போவாங்க. வெளி நாட்டில்வசிக்கும்  தம் பேர பிள்ளகளுடன் கும்மாளம் அடிக்க  மிடில் கிளாஸ் குடும்பத்தினறெல்லாம்  வெளிநாடு போகும் நேரம். IT boom வந்தாலும் வந்தது,  பழைய மாம்பலம் மக்கள் எல்லாம் அமெரிக்காவுக்கு சும்மா அயனாவரம் போற மாதிரி அனாவசியமா போயிட்டு  வராங்க.  மாமீஸ்  அண்ட் மாமாஸ் நடை, உடை பாவனை மற்றும்  body  language பார்த்தாலே சொல்லிடலாம்..இவங்க அமெரிக்கா returned nu. மாமிகள் எல்லாம் ஜீவா பார்க்கல கண்டிப்பா மாமாவுடன் வாக்கிங் போவாங்க .. அந்த காட்சி  பார்க்கணுமே.. ஜாகிங் shoes, சாரீ, தோளில்  ஒரு ஜோல்னா பை, அதுல ஒரு tissue  பேப்பர் பாக்கெட் அப்புறம் கைல ஸ்மார்ட் போன், நுனி நாக்கில் அரைகுறை இங்கிலிஷ், எல்லோரையும் ஒரு மேல்பார்வை, ஸ்மைலிங்  லுக்  ...அப்பிடி ஒரு தோரணை..மாமா ட்ரெஸ்ஸோ கேட்கவே வேண்டாம்...கொஞ்சம் டீசென்ட்டா  நடிகர் செந்தில் போல ஒரு முக்கால்  நிஜார், பிராண்டட் டீ ஷர்ட்,  body  ஸ்பிரே , கொஞ்சம் costly  ஸ்மார்ட் போன் எப்பவும்  இங்கிலீஸ் தான் போன்ல.  தன் சுற்றுப்புறம் எல்லாமே ஊழல் மாதிரி ஒரு அருவருப்பான பார்வை. sense less people .. நம்ப நாடு உறுபடவே உருப்படாது..ப்ளடி politicians இப்பிடி
சக்கட்டுமேனியா அங்கால்யிப்பு. இவங்க கூட முதல் தடவையா போக போற லட்சுமி மாமி அவங்கள பார்த்து ஒரு ஸ்மைல் அப்புறம் குட் மோர்னிங் வேற. நாங்க கூட அமெரிக்கா போகப்போறோம் அப்படினாங்க . என் பையன் கூகிள் கம்பெனில ஒர்க் பண்ணறான். டிக்கெட் எல்லாம் பிளாக் பண்ணிட்டான். விசா form fill  up பண்ணி முடிகிறதுக்குள்ள அமெரிக்கா போற ஆசையே போய்டும் போல இருக்கு. அடுத்த வாரம் பயோ மெட்ரிக் போகணும்..அப்படினு லட்சுமி மாமி தன் ப்ரோக்ராம் சொன்னாங்க .. இதோட விடாம, ரொம்ப அலட்டலாக  நாங்க லண்டன் எல்லாம்  போயிருக்கோம். இவ்வளவு கடி இல்லப்பா. எல்லாம் ஏஜென்ட் ரெடி பண்ணிட்டான். சும்மா namke vasthe இண்டெர்வியூ தான். அதுக்கு உடனே அந்த நியூ ஜெர்சி ஆறு மாதம் போய்ட்டு நொந்து நூலாயிட்டு வந்த தம்பதியினர் மெதுவா  கிண்டலா பேசிக்கொண்டாங்க. என்ன பெரிய அமெரிக்கா விசிட்...வெறும் glorified பேபி சிட்டிங் வேலை. அதோட இல்லாம  சமையல், வீட்டு பராமரிப்பு, பாத்ரூம் கிளீனிங் , பிள்ளைங்களை ஸ்கூல் பிக்கப் ட்ராப் எல்லாம் அடங்கும். கைல டாலர் இல்லாம ரொம்ப இக்கட்டான நிலைமை . இந்த வேலைக்கு  எல்லாம் கூலி, ஒரு வால் மார்ட் விஜயம், இல்லேன்னா ஒரு பக்கத்திலிருக்கும் பெருமாள் கோவில் இல்லேன்னா ஒரு பூதாகரமான ஒரு மால் விஜயம் வித் நைட்  டின்னர். இதுபோறதுன்னு எங்க  அம்மா நல்லா சமைப்பாங்கனு சொல்லி வீக் எண்டு பிரெண்ட்ஸ் தண்ட சாப்பாடு வேற . இந்தியா திரும்புவதற்கு முன்பா ஒரு வீக்கெண்ட் ட்ரிப். இதெல்லாம் முதல் ட்ரிப்ல சுவாரசியமாக இருக்கும். அப்புறம் தான்  புரியும் இது ஒரு தங்க கூண்டு அப்பிடின்னு.  நாங்க இந்த வருஷம் அமெரிக்கா போகல அதுக்கு பதிலா europe tour போகலாம்னு இருக்கோம் னு  நியூ ஜெர்சி பார்ட்டி கொட்டி தீர்த்தார்கள் . இவர்களை  தாண்டி போன இன்னொரு வைர தோடு அம்மா ...ம்ம் நம்ம கௌதம் கூட இந்த வருஷம் final  year. ..நல்ல படியா கேம்பஸ் selection  ஆச்சுன்னா அடுத்த வருஷமே அவனுக்கும் onsite போடுவாங்க. அப்போ  பாத்துக்கிறேன் இந்த கோஷ்டியை அப்படினு ஒரு வெட்டு பார்வையுடன் போனாங்க. இப்பிடியாக ஒரு மினி அமெரிக்காவே அந்த பார்க்கில  வாக்கிங் போய்க்கொண்டிருந்தது.

இப்பிடியிருக்க , தி நகர் போத்திஸ் கடை முன்னாடி ரெண்டு லேடீஸ். ஒருத்தர்  சிங்கப்பூர் அடிக்கடி போய்ட்டு வரக்கூடிய கோகிலா  மற்றொருவர் லதா, லண்டன் பார்ட்டி. ஏதாவது பெருமை பேசணுமேன்னுட்டு , கோகிலா மாமி, என்ன இருந்தாலும் சிங்கப்பூர் மாதிரி வரவே வராது . 4 மணி நே ரம் தான் flight . அப்பிடியே ஹை டெக் சென்னை தான். நம்மளுக்கு எல்லாம் சிங்கப்பூர் தா லாயக்கு. ரொம்ப நீட். எல்லாம் டைம் பிரகாரம் நடக்கும். யாரு தயவும்  வேண்டாம். எல்லாம் தமிழ் இல்  இருக்கும்.  mrt இல்லேன்ன smrt  பஸ் எப்பவும் ஓடிக்கிட்டே இருக்கும். ஒரு டிப்ஸ், ஒரு எக்ஸ்ட்ரா பேச்சு...மூச்...எதுக்குமே இடம் கிடையாது. தமிழ் பேசற டாக்ஸி டிரைவர் கூட இருப்பாரு. என்ன மரியாதை அப்படினு சிங்கப்பூர் tourisim ப்ரோமோஷன் lecture முடிச்சாங்க. உடனே லண்டன் லதா எதிர் வாசிப்பு. சும்மா இருக்குமா. லண்டன் ஆச்சே !!! நாங்க அடிக்கடி சிங்கப்பூர் போவோம், ரொம்ப ஹப்பெனிங் place. ஆனா  ரொம்ப சின்ன ஊரு. நாலு நாளைக்கு மேல குப்பை கொட்ட முடியாது,   ரொம்ப போர் அடிக்க ஆரம்பிச்சுடும்..எல்லாம் இம்போர்ட்டட் தான். concrete jungle,  எல்லாம் artifical தான். லோக்கல் ஐட்டம்ஸ்  ஒண்ணுமே இல்ல. பாதி சாமான்கள் மலேஷியாலேந்து  வரும் அப்பிடின்னு சிங்கப்பூர் இம்போர்ட் அண்ட் export வண்டவாளத்தை தண்டவாளத்தில ஓடவிட சிங்கப்பூர் கோகிலா , சைனா காரன் சைஸில் அடங்கியது. இப்போ லண்டன் தன் கைவரிசையை காண்பிக்க ஆரம்பிச்சாங்க. நாங்க ரொம்ப வருஷமா லண்டன்ல பிசினஸ் பண்றோம். லண்டன்ல 3 வீடு இருக்கு. எங்க வீட்டு மாமா சென்ட்ரல் லண்டன்ல  பைன் டைனிங் ஹோட்டல் வச்சிருக்காரு. இந்தியா cultural சொசைட்டி ப்ரெசிடெண்ட், என்னோவோ இந்தியன் ப்ரெசிடெண்ட் போஸ்ட் மாதிரி.ஒரு போடு போட்டாங்க. so நாங்க அடிக்கடி சென்னை வருவோம். மத்தபடி எங்கள் கான்டக்ட்ஸ் எல்லாரும் பாதி   லண்டன்ல தான்  இருகாங்க, அதனால அநேகமா  சென்னையை  மிஸ் பண்றது இல்ல. இப்பிடியாக லண்டன் பார்ட்டி பின்னி பெடலெடுத்து  பொம்மி பிரஷர்ஒட  நின்றது..

இதையெல்லாம் ஒரு ஓரமா பார்த்துக்கொண்டிருந்த ஒரு பெரி சு, ஒரிஜினல் பட்டணம் பொடி, தன் சக friend கிட்ட மெல்ல பேச்சு கொடுத்தது . இவங்கெல்லாம் புதுசா வந்திருக்கிற IT கம்பெனிகாரங்க வளர்த்துவிட்டவங்க. அதான்  வெளி நாட்டு  மோகம் பிடிச்சு அலையறாங்க. நான் அந்த காலத்து IRS (Indian Railway service ). ரயில்வே போர்டு சீனியர் மெம்பெர். UK , கென்யா, மலேஷியா, சவுத் ஆப்பிரிக்கா, எகிப்து இப்பிடி பல countriesக்கு இந்தியா சார்பில் போய் இருக்கேன் ன்னு பெருமையா  மூச்சு விட்டு நிக்கமா, இப்ப கூட கவெர்மென்ட் பென்ஷன், quarters, பிரீ லைப் டைம் firstclass ac பாஸ், பிரீ மெடிக்கல்  எல்லாம் உண்டுன்னு ரொம்ப அடக்கி வாசித்து புஸ் என்று ஸ்டீம் விட்டு நின்றார். அதோட இல்லாம ஆல் இந்தியா transfer வேலை வேறயா, எல்லா regional  language நல்ல பேசுவேன். இவங்கயெல்லாம் இந்த நுனி  நாக்கு இங்கிலீஷேயோ இல்ல தமிழையோ  வச்சுக்கிட்டு திருத்தணி கூட தாண்ட முடியாது அப்பிடின்னு ரொம்ப தெனாவெட்டோட ஒரு உண்மையும் சொன்னாரு. அந்த காலத்தில ரயில்வேஸ்ல நெக் டை ரொம்ப முக்கியம்.. கோட் சூட்டு  எல்லாம் போடணும். இப்போ இந்த பிரைவேட் ஆளுங்கயெல்லாம் ஜீன்ஸ் , டி ஷர்ட் சகிதம்தான்  இருகாங்க..சும்மாவா சொல்லியிருக்காங்க..டை கட்டி வாழ்வாரே வாழ்வர்... மற்றெல்லாம் கை  கட்டி வாய் பொத்தி பின் செல்பவர்ன்னு... பவுன்  பவுன் தான்  ....!!!!     இதுதான் எதார்த்தம்.

- எண்ணம் , எழுத்து,  ...ரவி சங்கர்



*****************************************************************